Ісці да ЕЗУСА праз МАРЫЮ

 Ці «МАЛЫ ШЛЯХ» святога Людвіка-Марыі азначае ІСЦІ «ДА ЕЗУСА ПРАЗ МАРЫЮ»? 

• МАЛЫ ШЛЯХ з’яўляецца ХРЫСТАЛАГІЧНЫМ, таму што ён вядзе да Хрыста. Таму, абіраючы  TOTUS TUUS (дэвіз, узяты ў Манфора), Ян Павел II пажадаў паказаць усяму свету, што ён вядзе менавіта де Езуса, да Бога, і не спыняецца на Марыі.  

• МАЛЫ ШЛЯХ з’яўляецца МАРЫЙНЫМ, таму што вядзе да Езуса праз Марыю, з Марыяй, у Марыі і для Марыі. 

•  МАЛЫ ШЛЯХ з’яўляецца МІСІЯНЕРСКІМ, а Марыя стала першым апосталам Новага запавету,  калі панесла Езуса да сваёй сваячкі Альжбеты.

• МАЛЫ ШЛЯХ з’яўляецца МАЛЫМ ШЛЯХАМ МУДРАСЦІ, пра якую Манфор распавёў у сваім першым творы «Любоў Спрадвечнай Мудрасці».

• Гэта МАЛЫ ШЛЯХ КРЫЖА, пра які ён напісаў у кнізе «Ліст да сяброў Крыжа».

•  Гэта МАЛЫ ШЛЯХ РУЖАНЦА, таму што ён заахвочвае маліцца Ружанец, разважаючы над галоўнымі таямніцамі жыцця Езуса Хрыста, пра што ён напісаў у сваёй кнізе «Дзівосная таямніца святога Ружанца»

• Гэта МАЛЫ ШЛЯХ СВЯТОГА ДУХА, таму што Марыя з’яўляецца Яго Абранніцай. Праз Уцелаўленне Яна ўфармавала цела Езуса Хрыста. 

• Нарэшце, гэта МАЛЫ МІСТЫЧНЫ ШЛЯХ святога Людвіка-Марыі дэ Манфора, ШЛЯХ ДА СВЯТАСЦІ. “Містычны шлях”? Гэта шлях, які вядзе да еднасці з Езусам, з Богам. Не трэба яго блытаць з “містыцызмам”, філасофскай дактрынай, якая ў больш шырокім значэнні займаецца  вераваннямі і звышнатуральнымі ўмяшальніцтвамі (яснабачанне, спірытызм...).

 Гаворка ідзе пра тое, каб запрапанаваць прысвячэнне Езусу праз Марыю тым асобам, якія жадаюць ісці следам за Хрыстом, каб дасягнуць святасці, але праз Марыю.  

 

НАТАТКА:  Святое нявольніцтва любові паводле Манфора – гэта “нявольніцтва добрай волі, самае дасканалае і хвалебнае ў вачах Бога, які глядзіць у сэрца, просіць сэрца і завецца Богам сэрца.” (СУ 70)

“Хрост зрабіў нас нявольнікамі Езуса Хрыста… (СУ 73)  Тое, што я безумоўна кажу пра Езуса Хрыста, тое самае я ўмоўна кажу пра Святую Дзеву… Усё, што адпавядае Богу праз натуру, адпавядае Марыі праз ласку…  Яны маюць тых самых падданых, слугаў і нявольнікаў… (СУ 74) Таму можна назваць сябе і стаць нявольнікам любові Найсвяцейшай Дзевы, каб больш дасканалым чынам стаць нявольнікам Езуса Хрыста.” Таму што “самае вялікае імкненне Марыі – гэта з’яднаць нас з Езусам Хрыстом, Яе Сынам.” (СУ 75) 

“Нам патрэбны пасрэднік перад самім Пасрэднікам. А Марыя найбольш здольная выканаць гэтае міласэрнае заданне…  Марыя, наша Маці, добрая і пяшчотная; У Ёй няма нічога суровага і непрыемнага, нічога празмерна велічнага і бліскучага. Бачучы Яе, мы бачым нашую натуру… Яна настолькі міласэрная, што не адмаўляе нікому з тых, што просяць Яе заступніцтва… Ніколі не здаралася, каб той, хто з даверам і вытрымкай прыбягаў да Святой Дзевы, быў адкінуты… (СУ 85) Пра гэта казалі святы Бернард і святы Банавэнтура.” (СУ 86)