Ускліканне да Святога Духа
О
Дух Святы, будзь Гаспадаром
Майго
сэрца, якое Цябе любіць.
Майго
духа, які жадае Цябе пазнаць,
Майго
языка, каб заваёўваць для Цябе душы,
Маіх
пачуццяў і маіх ведаў.
Выкарыстай
дзеля Сваёй хвалы
Мае
ўчынкі і мае цярпенні,
А
таксама мае даброты і мой боль.
Усё,
што ў мяне ёсць,
Я
аддаю, каб Табе служыць,
Зрабі
святыняй маё сэрца,
А
маю мову Тваёй прыладай.
Езу
і Марыя, валадарце ўва мне ўсёй сваёй моцай.
Я
хачу Цябе вечна праслаўляць,
Мой
Божа, мой Адзіны. Амэн.
(св. Людвік- Марыя дэ Манфор)
Малітва да Спрадвечнай Мудрасці
(паводле прыгожай малітвы
Саламона)
Божа
маіх Продкаў і Госпад міласэрнасці,
Сваім
Словам Ты стварыў сусвет.
Дай мне Мудрасць, якая сядзіць на Троне побач з Табой.
Сваёй
Мудрасцю, Ты ўфармаваў Чалавека,
Каб
ён кіраваў усімі стварэннямі.
Дай мне Мудрасць, якая сядзіць на Троне побач з Табой.
Таму
што Мудрасць разам з Табой.
Яна
была побач, калі Ты ствараў сусвет.
Яна
ведае, што падабаецца Тваім вачам,
Таму
што Яна ўсё ведае, усё разумее.
Спашлі
мне Яе з Трону Тваёй хвалы.
Дай мне Мудрасць, якая сядзіць на Троне побач з Табой.
Божая
Мудрасць – гэта Езус, Твой Сын.
Няхай
Ён пашле мне Твайго Духа Святога,
Духа
мудрасці, разважлівасці і парады.
Прашу
Цябе праз Марыю, Каралеву Мудрасці,
Тваю
і маю Маці. Амэн.
Езу, які жывеш у Марыі…
(ранішняя малітва)
О Езу, які жывеш у Марыі, прыйдзі і жыві ў сваіх слугах, у Тваім духу святасці, у поўні Тваіх дароў, у дасканаласці Тваіх шляхоў, у праўдзе Тваіх цнотаў, у еднасці Тваіх таямніцаў. Пануй над усімі варожымі моцамі, над светам, над дэманам і над плоццю, у Тваім Духу і на хвалу Твайго Айца. Амэн.
Sub tuum praesidium (Тваёй абароне)
(на вечар, самая старажытная малітва да Марыі)
Тваёй абароне аддаемся, Святая Багародзіца, у нашых патрэбах не пагарджай маленнем нашым. І ад усялякай злой прыгоды выбаўляй нас заўсёды, Панна хвалебная і бласлаўлёная. О Пані наша, Апякунка наша, Суцяшальніца наша, Ты Заступніца наша, з Сынам сваім нас паяднай, Сыну свайму нас даручай, Сыну свайму нас аддавай.
Малітва св. Бернарда
Памятай, о Найсвяцейшая Панна Марыя,
што ніколі не здаралася, каб пакінула таго, хто да Цябе ўцякае, Цябе на
дапамогу кліча, Тваёй апекі просіць. Гэтым даверам натхнёны, да Цябе, о Панна
над Паннамі і Маці наша, імкнуся, да Цябе прыходжу, парад Табою, грэшны,
плачучы, стаю. О Маці Слова, не пагарджай словамі маімі, але пачуй іх ласкава і
выслухай. Амэн.