Малітва:
Вітай, Зорка мора, Маці Хрыста-Бога,
Панна найчысцейша, верным дапамога.
Ты, што прывітана словам Габрыэля,
Умацуй нас ў веры, усім спашлі надзею.
Вызваль з путаў грэху, аддалі нядолю
I напоўні сэрцы нашы супакоем.
I прасі,
о Панна, Ты за нас Езуса,
Каб мы захаваны былі ад спакусаў.
Маці ласкі Божай, будзь для нас узорам -
Вызваленым з грэху, дай жыць у пакоры.
Памажы, Марыя, нам знайсці дарогу,
Што вядзе да Неба, да яднання з Богам.
a) Кожны
з нас з’яўляецца вандроўнікам, які вяртаецца да Айчыны, да Дому Айца.
b) Кожны
шукае самага лепшага і самага надзейнашага шляху.
c) Ты,
Маці Божая, вядзеш мяне самым простым шляхам. Я іду, трымаючы Цябе за руку.
Дарога цяжкая і цвёрдая, але побач з Табой лягчэй пакінуць неўпарадкаваныя
жаданні, дрэнныя схільнасці і любоў да сябе. Побач з Табой, якая так шмат
пакутвала, цярпенне не такое горкае. Дарога доўгая, але разам з Табой крочыцца
хутчэй і спакуса не так адцягвае, бо Ты асцерагаеш ад пастак і небяспекаў. Твая
любоў асалоджвае абцяжарваючую штодзённасць.
d) Маці
Божая, што б Ты зрабіла цяпер, тут, на маім месцы? Як бы Ты Сябе паводзіла?
Якая была б Твая рэакцыя на гэтыя цяжкасці, гэтыя спакусы? Як бы Ты малілася,
працавала, цярпела? Увайдзі, Маці, у маё
жыццё, каб Ты ім кіравала так, як Сваім уласным жыццём.
Чытанне:
Лк 8,
19-21: "Прыйшлі да Яго Маці Ягоная
і браты Ягоныя.
І не маглі наблізіцца да Яго з-за натоўпу. Тады паведамілі Яму: «Маці
Твая і браты Твае стаяць звонку, жадаючы ўбачыць Цябе». Ён
сказаў ім у адказ: «Маці Мая і браты Мае — гэта тыя,
хто слухае слова Божае і выконвае яго».”
Св. Л. дэ Манфор “Трактат аб сапраўдным ушанаванні
Найсвяцейшай Дзевы Марыі” 152. 155. 157. 164-165:
[152] Гэта шлях, які Езус Хрыстус праклаў, прыйшоўшы да нас. На гэтым шляху няма
ніякіх перашкодаў, каб ісці да Яго. Канешне, можна ісці да
еднасці з Богам і іншымі шляхамі, але гэта будзе крочанне праз вялікія крыжы,
цяжкія ўтаймаванні плоці і шматлікія іншыя перашкоды, якія нельга так лёгка
перамагчы.
Трэба будзе прайсці праз цёмныя ночы, праз цяжкую
барацьбу, стромыя горы, вострыя церні і жудасныя пустэльні. А шляхам Марыі ідуць мякка і спакойна.
[155]
Гэтае ўшанаванне Найсвяцейшай Дзевы з’ўляецца кароткім шляхам, каб знайсці Езуса Хрыста, таму што на гэтым шляху
нельга заблукаць і таму, што, як я ўжо сказаў, па ім крочыцца з радасцю і
лёгкасцю, а таму шмат хутчэй. У адданасці і залежнасці ад Марыі ідзеш шмат
хутчэй, чым жывучы доўгія гады, абапіраючыся на ўласную волю і на сябе самога.
Таму што чалавек, паслухмяны і
падданы боскай Марыі, будзе выхваляць
перамогу над усімі ворагамі. Праўда, тыя захочуць перашкодзіць яму ісці
наперад, або прымусіць павярнуць назад, або пхнуць, каб ён упаў. Але з
дапамогай і кіраўніцтвам Марыі яны не ўпадуць, не павернуць назад і нават не
спозняцца, а вялікімі крокамі будуць ісці да Езуса Хрыста тым самым шляхам,
якім, як напісана, Езус прыйшоў да нас вялікімі крокамі і ў кароткі час.
[157]
Гэтае практыкаванне ўшанавання Найсвяцейшай Дзевы з’яўляецца дасканалым шляхам, каб ісці і з’яднацца
з Езусам Хрыстом, таму што боская Марыя — самае дасканалае і святое з усіх
чыстых стварэнняў, а Езус Хрыстус, які прыйшоў да нас самым дасканалым шляхам,
не абраў іншага дзеля свайго вялікага і цудоўнага вандравання.
[164]
Гэтае практыкаванне ўшанавання Найсвяцейшай Дзевы з’яўляецца дасканалым шляхам, каб ісці і з’яднацца
з Езусам Хрыстом, таму што боская Марыя — самае дасканалае і святое з усіх
чыстых стварэнняў, а Езус Хрыстус, які прыйшоў да нас самым дасканалым шляхам,
не абраў іншага дзеля свайго вялікага і цудоўнага вандравання.
